ਫਿਲਮੀ ਦੁਨੀਆ ‘ਚ ਮਾਤਮ! ਨਾਨਾ ਪਾਟੇਕਰ ਦਾ ਦੇਹਾਂਤ — ਗੋਆ ‘ਚ ਦਿਲ ਦਾ ਗੰਭੀਰ ਦੌਰਾ

ਫਿਲਮੀ ਦੁਨੀਆ ਲਈ ਦੁੱਖਦ ਖ਼ਬਰ — ਮਸ਼ਹੂਰ ਅਦਾਕਾਰ ਨਾਨਾ ਪਾਟੇਕਰ ਦਾ ਦੇਹਾਂਤ ਹੋ ਗਿਆ ਹੈ। 75 ਸਾਲ ਦੇ ਅਦਾਕਾਰ ਨੇ 8 ਅਕਤੂਬਰ ਦੀ ਸਵੇਰ 5:20 ਵਜੇ ਗੋਆ ਦੇ ਡੋਨਾ ਪੌਲਾ ਸਥਿਤ ਆਪਣੇ ਘਰ ‘ਚ ਆਖਰੀ ਸਾਹ ਲਿਆ। ਮਨੀਪਾਲ ਹਸਪਤਾਲ ਦੇ ਡਾ. ਸ਼ੇਖਰ ਸਾਲਕਰ (ਮੁਖੀ, ਔਨਕੋਲੋਜੀ ਵਿਭਾਗ) ਨੇ ਪੁਸ਼ਟੀ ਕੀਤੀ ਕਿ ਡਾਕਟਰਾਂ ਨੇ ਲਗਾਤਾਰ 45 ਮਿੰਟ ਤੱਕ CPR ਦਿੱਤਾ, ਪਰ ਉਨ੍ਹਾਂ ਨੂੰ ਬਚਾਇਆ ਨਹੀਂ ਜਾ ਸਕਿਆ।

ਘਰ ‘ਚ ਬੇਹੋਸ਼ ਮਿਲੇ ਸਨ ਨਾਨਾ ਪਾਟੇਕਰ

ਰਿਪੋਰਟਾਂ ਮੁਤਾਬਕ ਅਦਾਕਾਰ ਨੂੰ ਘਰ ‘ਚ ਬੇਹੋਸ਼ੀ ਦੀ ਹਾਲਤ ‘ਚ ਪਾਇਆ ਗਿਆ, ਜਿਸ ਮਗਰੋਂ ਉਨ੍ਹਾਂ ਨੂੰ ਤੁਰੰਤ ਮਨੀਪਾਲ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਨ੍ਹਾਂ ਨੂੰ ਮ੍ਰਿਤਕ ਘੋਸ਼ਿਤ ਕੀਤਾ। ਇਕ ਮੈਡੀਕੋ-ਲੀਗਲ ਕੇਸ (MLC) ਦਰਜ ਕੀਤਾ ਗਿਆ ਹੈ ਅਤੇ ਪੋਸਟਮਾਰਟਮ ਕਰਵਾਇਆ ਜਾਵੇਗਾ। ਖ਼ਬਰ ਦੀ ਪੁਸ਼ਟੀ ਸਮਾਚਾਰ ਏਜੰਸੀ ANI ਨੇ ਵੀ ਕੀਤੀ ਹੈ।

ਚਾਰ ਦਿਨ ਪਹਿਲਾਂ ਸੀ ਆਖਰੀ ਝਲਕ

ਨਾਨਾ ਪਾਟੇਕਰ ਆਖਰੀ ਵਾਰ 4 ਅਕਤੂਬਰ ਨੂੰ ਜਨਤਕ ਤੌਰ ‘ਤੇ ਨਜ਼ਰ ਆਏ ਸਨ — ਡੋਨਾ ਪੌਲਾ ‘ਚ ਸਮਰਾਟ ਕਲੱਬ ਇੰਟਰਨੈਸ਼ਨਲ ਦੇ ਇੰਸਟਾਲੇਸ਼ਨ ਸਮਾਰੋਹ ‘ਚ। ਸਮਾਚਾਰ ਏਜੰਸੀ PTI ਵੱਲੋਂ ਸਾਂਝੇ ਕੀਤੇ ਗਏ ਵੀਡੀਓ ‘ਚ ਉਹ ਚਿੱਟੇ ਕੁੜਤੇ ‘ਚ ਨਜ਼ਰ ਆਏ ਅਤੇ ਮਰਾਠੀ ‘ਚ ਸੰਬੋਧਨ ਕਰਦੇ ਹੋਏ ਸਾਬਕਾ ਗੋਆ ਮੁੱਖ ਮੰਤਰੀ ਮਨੋਹਰ ਪਾਰੀਕਰ ਨੂੰ ਯਾਦ ਕੀਤਾ। ਉਨ੍ਹਾਂ ਨੇ ਕਿਹਾ ਸੀ — “ਸਾਨੂੰ ਸਭ ਨੂੰ ਇਕ ਦਿਨ ਜਾਣਾ ਹੈ। ਮੈਨੂੰ ਨਹੀਂ ਪਤਾ ਮੈਂ ਕੱਲ੍ਹ ਹੋਵਾਂਗਾ ਜਾਂ ਨਹੀਂ।”

ਸਿਨੇਮਾ ਦਾ ਦਿੱਗਜ਼ ਵਿਰਸਾ

ਅਸਲ ਨਾਂ ਵਿਸ਼ਵਨਾਥ ਪਾਟੇਕਰ — ਨਾਨਾ ਪਾਟੇਕਰ ਨੇ 1978 ‘ਚ ‘ਗਮਨ’ ਨਾਲ ਅਦਾਕਾਰੀ ਸ਼ੁਰੂ ਕੀਤੀ ਅਤੇ ਹਿੰਦੀ ਤੇ ਮਰਾਠੀ ਸਿਨੇਮਾ ਦੇ ਸਭ ਤੋਂ ਸਨਮਾਨਿਤ ਅਦਾਕਾਰਾਂ ‘ਚੋਂ ਇਕ ਬਣੇ। ਉਨ੍ਹਾਂ ਨੇ ਤਿੰਨ ਰਾਸ਼ਟਰੀ ਫਿਲਮ ਪੁਰਸਕਾਰ ਜਿੱਤੇ — ‘ਪਰਿੰਦਾ’ (1989) ਲਈ ਸਰਵੋਤਮ ਸਹਾਇਕ ਅਦਾਕਾਰ, ‘ਕ੍ਰਾਂਤੀਵੀਰ’ (1994) ਲਈ ਸਰਵੋਤਮ ਅਦਾਕਾਰ ਅਤੇ ‘ਅਗਨੀ ਸਾਕਸ਼ੀ’ (1996) ਲਈ ਫਿਰ ਸਰਵੋਤਮ ਸਹਾਇਕ ਅਦਾਕਾਰ। 2013 ‘ਚ ਉਨ੍ਹਾਂ ਨੂੰ ਸਿਨੇਮਾ ਤੇ ਕਲਾ ‘ਚ ਯੋਗਦਾਨ ਲਈ ਪਦਮ ਸ਼੍ਰੀ ਨਾਲ ਸਨਮਾਨਿਤ ਕੀਤਾ ਗਿਆ। ‘ਅੰਗਾਰ’, ‘ਤਿਰੰਗਾ’, ‘ਖਾਮੋਸ਼ੀ: ਦਿ ਮਿਊਜ਼ੀਕਲ’, ‘ਅਬ ਤਕ ਛੱਪਨ’, ‘ਅਪਹਰਣ’, ‘ਰਾਜਨੀਤੀ’ ਅਤੇ ‘ਨਟਸਮਰਾਟ’ ਵਰਗੀਆਂ ਫਿਲਮਾਂ ‘ਚ ਉਨ੍ਹਾਂ ਦੀ ਅਦਾਕਾਰੀ ਅੱਜ ਵੀ ਯਾਦ ਕੀਤੀ ਜਾਂਦੀ ਹੈ, ਜਦੋਂ ਕਿ ‘ਵੈਲਕਮ’ ‘ਚ ਉਦੈ ਸ਼ੈੱਟੀ ਦੇ ਰੂਪ ‘ਚ ਉਨ੍ਹਾਂ ਨੇ ਕਾਮੇਡੀ ‘ਚ ਵੀ ਆਪਣਾ ਲੋਹਾ ਮਨਵਾਇਆ। ਸਮਾਜਿਕ ਸਰਗਰਮੀਆਂ ਲਈ ਉਨ੍ਹਾਂ ਨੇ ‘ਨਾਮ ਫਾਊਂਡੇਸ਼ਨ’ ਦੀ ਸਹਿ-ਸਥਾਪਨਾ ਕੀਤੀ ਸੀ।

ਫਿਲਮ ਜਗਤ ਅਤੇ ਪ੍ਰਸ਼ੰਸਕਾਂ ਵੱਲੋਂ ਸੋਗ ਪ੍ਰਗਟਾਇਆ ਜਾ ਰਿਹਾ ਹੈ।